بواقى العيش الفينو وكيفية الاستفادة منه

شوية أفكار تحفة من بواقى العيش الفينو ..!!!
احمصه فى الفرن واطحنة واستخدمة بدل البقسماط المطحون.
ساعات احطه فى الماء وبعدين اصفية واعصرة كويس واحطة على الكفتة او على عجينة الطعمية
وممكن اقطعة شرائح وارصة فى الصينية وادهنة صلصة البيتزا واحط علية اى حشو بيتزا يعنى لحمة مفرومة تونة مشروموجبنة موتزاريلا,,وبعدين ادخلة الفرن لحد لما العيش يتحمص والجبنة تسيح.

وكمان أفكار تااااااانى

اقطعه شرايح بالطول وادهنه زيت زيتون واحمصه في التوستر بيبقى حلو اوي بالجبنه او مع الشاي
واوقات ادهنه بالثوم ويبقى خبز الثوم

وكمان باقطعه واحمصه واضيف عليه لبن وسكر ويتاكل في العشا او الفطار.

وممكن تجيبى بيضة علي نصف كباية لبن وفانليا وتبلى فيهم قطع الفينو الصغيرة وتقليهم في الزيت وبعدين على الشربات الثقيل هتبقى أطعم من لقمة القاضى ومش باين خالص انها عيش فينو.

آخر فكـــــرة..
بقطعة بالسكينة واجيب صنية واضع فيها شوية سكر

واضع الصينة على البوتجاز الى ان السكر يكرمل شوية
ويتفرد فى الصينية واضع علية العيش الفينو
واضع علية كوب لبن وسكر و2بيض وفانليا ونضربهم بالشوكة
ونضعهم على الفينو وممكن اى مكسرات وتدخل الفرن وبعد شوية
هتلاقيها ارتفعت واحمرت وبالهنا.